გალში სიტუაცია რამდენიმე წლის შემდეგ სულ სხვანაირი იქნება. ეს განცხადება აფხაზ სეპარატისტთა ლიდერმა ალექსანდრე ანქვაბმა აფხაზეთის ე.წ. პარლამენტარებთან გააკეთა, რომლებიც გალის რაიონიდან არიან "არჩეულნი".
ბეჟან უბირიასთან და ახრა კვეკვესკირთან შეხვედრაზე, აფხაზური მხარის ინფორმაციით, განიხილებოდა გალის რაიონში მიმდინარე სხვა და სხვა პროექტების რეალიზების საკითხები - სკოლებისა და გზების კაპიტალური რემონტი და სხვა.
"გალში სიტუაცია რამდენიმე წლის შემდეგ სულ სხვანაირი იქნება და ჩვენ ამისათვის საფუძველი დღეს უნდა ჩავყაროთ", _ განაცხადა შეხვედრაზე ანქვაბმა.
აღსანიშმნავია, რომ ე.წ. დეპუტატებმა გალის რაიონიდან ე.წ. პრეზიდენტთან შეხვედრისას "დააყენეს საკითხები, რომლებიც გალის რაიონის მოსახლებას განსაკუთრებით აღელვებს" და ამ საკითხთა შორის "საზღვრის გადაკვეთა, აფხაზეთის მოქალაქეობისა და პასპორტების მიღება და სკოლებში აფხაზური ენის სწავლება დაასახელეს", _ იუწყება აფხაზური მხარე.
