რუსი ოპოზიციონერები ალექსეი ნავალნი და სერგეი უდალცოვი საერთაშორისო ორგანიზაცია "Amnesty International"-მა სინდისის პატიმრებად აღიარა. რუსეთის ოპოზიციის ლიდერები საპროტესტო აქციებზე პოლიციის დაუმორჩილებლობის ბრალდებებით დააკავეს.
"მიგვაჩნია, რომ უდალცოვი და ნავალნი სინდისის პატიმრები არიან", _ განაცხადა ორგანიზაცია "Amnesty International"-ის რუსული განყოფილების ხელმძღვანელმა სერგეი ნიკიტინმა.
"იმ ინფორმაციიდან გამომდინარე, რომელიც ორგანიზაცია "Amnesty International"-ს ნავალნისა და უდალცოვის შესახებ აქვს, ჩვენ გვესმის, რომ მათი მოქმედებები ხვდება განსაზღვრებაში "სინდისის პატიმრები".
ეს ადამიანები, არაძალადობრივი და მშვიდობიანი გზებით ცდილობდნენ რეალიზება მოეხდინათ თავიანთი უფლებისა დემონსტრაციების, მიტინგებისა და მსვლელობების თავისუფლად ჩატარებაზე და სწორედ ამის გამო ისინი დააკავეს და გისოსებს მიღმა მოაქციეს",- აცხადებს ნიკიტინი.
შეგახსენებთ, რომ ნავალნიც და უდალცოვიც 9 მასის აქციის შემდეგ დააპატიმრეს და მათ თოთოეულს 15 -15 დღეღამით თავისუფლების აღკვეთა მიუსაჯეს.
