სამოქალაქო მოძრაობა „ქართულ-აფხაზური და ქართულ-ოსური სახლის „ ლიდერმა , ნესტან კირთაძემ ოფიციალური ევროპული ტურნე პარიზის შეხვედრებით დაიწყო.
16 მაისს გაიმართა პროფესორ ნესტან კირთაძის შეხვედრა საფრანგეთის წამყვან სტრატეგიულ ინსტიტუტებთან და ევროპულ საექსპერტო წრეებთან .
კირთაძემ შეხვედრა გამართა საფრანგეთის ცნობილ საერთაშორისო ურთიერთობების ინსტიტუტის აღმასრულებელ ვიცე - პრეზიდენტთან დომენიკ დავიდთან და საფრანგეთის დემოკრატიისა და თანამშრომლობის ინსტიტუტის დირექტორთან , ჯონ ლოულანდთან .
საფრანგეთის წამყვანი, სტრატეგიული კვლევების , ანალიზისა და საერთაშორისო ურთიერთობების ინსტიტუტის ხელმძღვანელობა და პროფესორი ნესტან კირთაძე შეთანხმდნენ გრძელვადიან პარტნიორულ თანამშრომლობაზე . დომენიკ დავიდმა -მზადყოფნა გამოთქვა , რომ საფრანგეთის საერთაშორისო ურთიერთობების ინსტიტუტმა შეასრულოს შუამავლის როლი და უახლოეს ხანებში მისივე ინსტიტუტის ბაზაზე მოამზადოს პირველი საქმიანი ქართულ-აფხაზური-ოსურიმოლაპარაკებები. „თქვენი ინიციატივები უნიკალურია მთელი რეგიონისათვის და იგი ორჯერ მეტად საინტერესოა ევროპისათვის „ - აღნიშნა ნესტან კირთაძესთან შეხვედრის დროს დომენიკ დავიდმა .
მხარეები შეთანხმდნენ უახლოეს დღეებში გრძელვადიანი სტრატეგიული თანამშრომლობის შესახებ ხელშეკრულების ხელმოწერაზე.
კონკრეტული შედეგებით დასრულდა „ქართულ-აფხაზური და ოსური სახლის" დამფუძნებლის , პროფესორ ნესტან კირთაძის შეხვედრა საფრანგეთის დემოკრატიისა და თანამშრომლობის ინსტიტუტის დირექტორთან ჯონ ლოულანდთან , სადაც ნესტან კირთაძის ახალი სამშვიდობო ინიციატივების დეტალური განხილვის შემდეგ მიღებულ იქნა გადაწყვეტილება , რომ ევროპული ტურნეს დასრულებისთანავე შედგეს „ქართულ-აფხაზური და ოსური სახლის" ლიდერის ვიზიტი მოსკოვში , რუსეთის ფედერაციის პოლიტიკურ ელიტასთან . „რეგიონის სამშვიდობო განვითარებისათვის რუსეთის ფედერაციას მთავარი აქტორის როლი აქვს „ - აღნიშნა შეხვედრაზე ჯონ ლოულენდმა . -ჩვენ ხელს შევუწყობთ თქვენს ვიზიტს მოსკოვში და დარწმუნებულნი ვართ ამ ვიზიტს ექნება დიდი მნიშვნელობა, მითუმეტეს იმ დროს , როდესაც საქართველოსა და რუსეთს შორის არ არსებობს დიპლომატიური ურთიერთობები ,რაც თქვენ კიდევ უფრო მეტად გაგიადვილებთ თქვენი პროექტების განხორციელებას და ურთიერთობების განვითარებას აფხაზებთან და ოსებთან ." აღნიშნა ფრანგმა პროფესორმა .
საფრანგეთის წამყვანი სტრატეგიული ცენტრების ხელმძღვანელები სიამოვნებით დათანხმდნენ პროფესორ ნესტან კირთაძის წინადადებას, რომ მათი ექსპერტები და ანალიტიკოსები რეგულარულად მიიღებენ აქტიურ მონაწილეობას „ქართულ-აფხაზური და ოსური სახლის" ინიციატივით უახლოეს მომავალში გამოცემულ სამენოვან გაზეთში- „თბილისი-სოხუმი, თბილისი-ცხინვალი „
ნესტან კირთაძის შეხვედრები პარიზში გრძელდება