ბინათმოსარგებლეებმა და აფხაზეთიდან დევნილებმა პარლამენტთან საპროტესტო აქცია გამართეს. პარტია "მომავალი საქართველოს" ორგანიზებით, გამართული აქციის მონაწილეებმა, ხელისუფლებისაგან საცხოვრებელი ფართების დაკანონება კიდევ ერთხელ მოითხოვეს.
აქციის მონაწილეებს გამოტანილი ჰქონდათ ქართულ და ინგლისურ ენებზე შესრულებული შემდეგი შინაარსის პლაკატები: "იყავით ობიექტურნი. დაიცავით ატსტუპნიკების უფლებები!", "გირჩევთ კეთილგონივრული ნაბიჯის გადადგმას და ჩვენივე ბინების დაკანონებას!", "დაგვიკანონეთ ჩვენი საკუთრება!"
როგორც ჟურნალისტებს "მომავალი საქართველოს" ლიდერმა გიორგი ლაღიძემ განუცხადა, ბინათმოსარგებლეები იმ ფართების დაკანონებას მოითხოვენ, რომლებშიც წლების განმავლობაში თანხა უკვე გადახდილი აქვთ. წინააღმდეგ შემთხვევაში ისინი მოახლოებული არჩევნებისათვის ბოიკოტის გამოცხადებას აპირებენ, ზოგი მათგანი კი საქართველოს მოქალქეობაზეც იტყვის უარს. მისი თქმით, დედაქალაქში სულ 40 000 ატსტუპნიკი ცხოვრობს.
რაც შეეხებათ დევნილებს, მისი თქმით, დღემდე ბევრ ოჯახს კომპენსაცია არ აუღია და საცხოვრებელი ფართის გარეშეა დარჩენილი. ამიტომ მათი მდგომარეობა, ფაქტობრივად, "ატსტუპნიკებისას" წააგავს.
აქციის მონაწილეების განცხადებით, მათგან ხელისუფლება წინაპრების მიერ ნაყიდ ბინებში, საერთო ღირებულების 25 პროცენტის გადახდას ითხოვს, რაც უკანონობაა. მათი მტკიცებით, ამ ადამინების უმრავლესობას პენსიონერები და სიღარიბის ზღვარს მიღმა მყოფი ადამიანები წარმოადგენენ.
აფხაზეთიდან დევნილმა ელისო ნაჭყებიამ კი ჟურნალისტებთან განაცხადა, რომ დევნილობის 20-წლიანი პერიოდის განმავლობაში მის ოჯახს "ერთი ოთახიც" კი არ დაუკანონეს. იგი 10 წლის განმავლობაში ქირით ცხოვრიობდა, ამჟამად კი ოთხი ოჯახიEნათესავთან ცხოვრობს. "ატსტუპნიკები" და აფხაზეთიდან დევნილები მოთხოვნების დაუკმაყოფილებლობის შემთხვევაში აქციების გაგრძელებას გეგმავენ.
