საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტი ენერგეტიკის მდგრადი დღისადმი მიძღვნილ ღონისძიებებში მონაწილეობს.
ამ დღესთან დაკავშირებით, საქართველოს ტექნიკურ უნივერსიტეტში, სტუდენტთა მე-80 საიუბილეო კონფერენციის ფარგლებში, წარმოდგენილი იქნება ენერგეტიკისა და ტელეკომუნიკაციის ფაკულტეტი სტუდენტთა ნაშრომები.
18 მაისს კი ეკონომიკის საერთაშორისო სკოლაში ჩატარდება კონფერენცია "ახალგაზრდა ექსპერტების როლი საქართველოს ენერგეტიკის განვითარებაში", რომელშიც საქართველოს ტექნიკური უნივერსიტეტის ენერგეტიკისა და ტელეკომუნიკაციის ფაკულტეტის სტუდენტები ასევე აქტიურად მონაწილეობენ.
მდგრადი ენერგეტიკის დღე 18 მაისს აღინიშნება. ამ დღისადმი მიძღვნილი ღონისძიებები „ენერგოეფექტურობის ცენტრის" ორგანიზებითა და „BP საქართველოს", აშშ საერთაშორისო განვითარების სააგენტოს (USAID) და Winrock Georgia-ს პროექტის „NATELI" მხარდაჭერით ეწყობა.
მდგრადი ენერგეტიკის დღის ფარგლებში რამდენიმე ღონისძიება გაიმართება. 09:30 საათზე დაგეგმილია პროექტის „ენერგოეფექტურობის პროგრამა საქართველოს თემებისათვის - ენერგოავტობუსის" ფარგლებში საქართველოს სკოლის მოსწავლეებისათვის ჩატარებული კონკურსის მონაწილეთა ნახატების გამოფენის გახსნა.
09:30 საათზე გაიმართება ასევე პროექტის „ენერგოეფექტურობის პროგრამა საქართველოს თემებისთვის ენერგოავტობუსის" ფარგლებში საქართველოს სკოლის მოსწავლეებისთვის ჩატარებული კონკურსის მონაწილეთა ენერგოეფექტურობის საკითხებზე მომზადებული პროექტების პრეზენტაცია (მისამართი: სასტუმრო „HOLIDAY INN", 26 მაისის მოედანი N1).
11:00 საათზე - პროექტის „ენერგოეფექტურობის პროგრამა საქართველოს თემებისთვის - ენერგოავტობუსის" დახურვის ცერემონიალი, აღნიშნული პროექტის ფარგლებში საქართველოს სკოლის მოსწავლეთა კონკურსებში გამარჯვებულთა დაჯილდოება (მისამართი: სასტუმრო „HOLIDAY INN", 26 მაისის მოედანი N1).
13:00 საათზე - პროექტის „ენერგოეფექტურობის პროგრამა საქართველოს თემებისათვის - ენერგოავტობუსის" ფარგლებში საქართველოს სკოლის მოსწავლეებისათვის დოკუმენტური ფილმის „ჯერ კიდევ გვიან არ არის" არაკომერციული ჩვენება (მისამართი: სასტუმრო „HOLIDAY INN", 26 მაისის მოედანი N1).
19:00 საათზე - პროექტის „ენერგოეფექტურობის პროგრამა საქართველოს თემებისათვის - ენერგოავტობუსის" ფარგლებში საქართველოში მოღვაწე ჟურნალისტებს შორის საუკეთესო საგაზეთო, ტელე-რადიო თუ ინტერნეტ სიუჟეტის გამოსავლენად განახლებადი ენერგიისა და ენერგოდამზოგი ტექნოლოგიის შესახებ ჩატარებული კონკურსებში გამარჯვებულთა დაჯილდოების ცერემონია (მისამართი: „თბილისი ცენტრალი", ბოულინგ-ცენტრი. ვაგზლის მოედანი N2).
