სამხრეთ კალიფორნიის სანაპიროსთან ერთმანეთს აშშ-ს სამხედრო საზღვაო ძალების ორი სამხედრო გემი შეეჯახა. ინფორმაციას ამის შესახებ სამხედრო-საზღვაო ძალების საინფორმაციო სამსახური ავრცელებს.
გავრცელებული ინფორმაციით, დიდი სადესანტო გემი "Essex" ტანკერ "Yukon"-ს დაახლოების დროს შეეჯახა, სავარაუდოდ, სადესანტო გემზე არსებული მართვის სისტემის მწყობრიდაბ გამოსვლის გამო.
საინფორმაციო სამსახური ასევე იუწყება, რომ ორივე გემი დაზიანდა, თუმცა არავინ დაშავებულა და საწვავის გაჟონვა არ მომხდარა.
