ჩისტიე პრუდიზე შეკრებილ მშვიდობიანი აქციის მონაწილეებს პოლიციელები გააფრთხილებენ, რომ აუცილებელია ამ აქციის ნებაყოფლობითი ლიკვიდაცია. ინფორმაციას ამის შესახებ რუსეთის შს სამინისტროს მოსკოვის მთავარი რაიონული სამმართველო ავრცელებს.
"უარის შემთხვევაში, ნებაყოფლობით დატოვონ ბანაკი, სასამართლოს გადაწყვეტილების დაუყოვნებილივი აღსრულებისთვის ყველა ზომა იქნება მიღებული", _ იუწყება რუსული მედია.
ამავე დროს, მოსკოვის ხელისუფლებამ მიიღო ბასმაჩნის სასამართლოს გადაწყვეტილება ჩისტიე პრუდიზე არსებულ ბანაკთან დაკავშირებით და დაუყოვნებლივ აპირებს მის აღსრულებას. ამ ინფორმაციას კი მოსკოვის მთავრობის პრესსამსახური ავრცელებს.
შეგახსენებთ, რომ ბასმაჩნის სასამართლომ დაავალა ცენტრალური ადმინისტრაციულ ოლქსა და პოლიციას მიიღონ ზომების ჩისტიე პრუდიზე ოპოზიციის აქციის შესაწყვეტად. ამასთან ერთად, რუს ჟურნალისტებს განუცხადეს, რომ "ჩისტიე პრუდიზე წესრიგის დამყარება" უკვე სამშაბათს საღამოს იგეგმება.
