დღეს საქველმოქმედო ფონდ "ქომაგის" პრეზენცია გაიმართა. როგორც ფონდის თავმჯდომარე ია მეტრეველმა ფონდის პრეზენტაციისას განაცხადა, "ქომაგი" დაეხმარება ყველა რეპრესირებულ ადამიანს, რომლებიც მხოლოდ თავისუფალი სიტყვისა და აზრის გამოხატვის გამო გახდნენ პოლიტიკურად დევნილნი. მისი თქმით, ფონდი დახმარებას პედაგოგებისგან დაიწყებს, რომლებიც ბოლო დროის განმავლობაში სამსახურებიდან სწორედ პოლიტიკური ნიშნის გამო გაათავისუფლეს.
რაც შეეხება ფონდის დაფინანსების საკითხს, ის მეტრეველის განმარტებით, "ქომაგს" უცხოეთში მცხოვრები ემიგრანტები და საქართველოში მოღვაწე ბიზნესმენები აფინანსებენ. თუმცა მან კონკრეტული გვარების დასახელებისგან ამ ეტაპზე თავი შეიკავა.
ფონდში შექმნილია 5 კაცისგან დაკომპლექტებული კომისია, რომელიც პოლიტიკურად რეპრესირებულთა საქმეებს შეისწავლის. ია მეტრეველმა არც კომისიის შემადგენლობის გვარების დაკონკრეტება ისურვა.
"ფონდის მიზანია სწორედ იმ ადამიანების მხარდაჭერა, რომლებიც თავისუფალი სიტყვისთვის მხოლოდ და თავისუფალი აზრისთვის არიან რეპრესირებულნი", _ აცხადებს მეტრეველი.
