„ქრისტიან-დემოკრატიული მოძრაობის" ლიდერებიმა,გიორგი თარგამაძემ, ინგა გრიგოლიამ და გიორგი ახვლედიანმა ქობულეთის მოსახლეობასთან შეხვედრა გამართეს. სადაც 300-მდე ოჯახს საკუთარი საცხოვრებელი სახლებიდან გამოსახლება ემუქრებათ. მათ 2008 წელს ტურსიტული სეზონისათვის სხვადასხვა ბანკიდან და კერძო საკრედიტო ორგანიზაციიდან კრედიტები აიღეს, ხოლო შემდეგ 2008 წლის აგვისტოს ომის გამო სესხის გადახდა ვერ შეძლეს. გიორგი თარგამაძის განაცხადით ეს არის უდიდესი პრობლემა, როდესაც ქობულეთის ნახევარ მოსახლეობას გამოსახლება ემუქრება არა მათი ცუდი მენეჯმენტის, არამედ 2008 წელს მომხდარი ომის დროს ჩავარდნილი ტურისტული სეზონის გამო. ხელისუფლებამ ეს აუცილებლად უნდა გაითვალისწინოს, სახელმწიფო უბრალოდ ვალდებულია მხარში დაუდგეს დაზარალებულ ქობულეთლებს. თუკი ჩვენ ვამბობთ, რომ ტურიზმი არის საქართველოს განვითარების ერთ-ერთი სტრატეგიული მიმართულება, მაშინ სახელმწიფომ მეტი სოლიდარობა და პასუხისმგებლობა უნდა გამოიჩინოს იმ ადამიანების მიმართ ვისაც დღეს გამოსახლება ემუქრება.მათ რამენაირად მივცეთ გადავადებით ვალების გადახდის საშუალება.
„პირველ რიგში უნდა შევაჩეროთ გამოსახლების პროცესი. ხვალ შევხდები ეროვნული ბანკის პრეზიდენტს და დეტალურად ჩავუტან იმ ინფორმაციას, რაზეც დღეს აქ იყო საუბარი, რადგანაც ხელისუფლებას აქვს გამრუდებული და ზოგადი წარმოდგენა, ბევრი არასწორი ინფორმაცია მომხდართან დაკავშირებით. ჩვენ ვეცდებით, რომ თბილისში ამას მივცეთ ფართომასშტაბიანი ჟღერადობის შინაარსი პრეზიდენტთან ურთიერთობის კუთხითაც და მთავრობის წარმოამდგენლებთან მიმართებითაც".განაცხადა გიორგი თარგამაძემ
ქობულეთლები წლევანდელი სეზონის ჩავარდნაზეც საუბრობენ, რადგანაც სანაპირო ზოლის მნიშვნელოვანი ნაწილი იქ მიმდინარე სამუშაოების გამო ტურისტების მისაღებად არ არის მზად.
