თბილისში მომხდარი კატასტროფა გამოიწვია იმან, რომ კოლექტორმა წყალი არ გაატარა, - ამის შესახებ "ჯი-ეიჩ-ენს" ჰიდრომეტეოროლოგოური პროგნოზირების სამმართველოს უფროსმა სვეტა ნიორაძემ განუცხადა. მისი თქმით, კოლექტორს წყალი, რომ გაეტარებინა ასეთი შედეგი არ იქნებოდა.
სინოპტოკოსების ინფორმაციით, წუხელ თბილიში ინტენსიური წვიმა 3 საათი გაგრძელდა და 93 მმ ნალექი მოვიდა. მათივე ინფორმაციით, ამინდს განაპირობებდა ამიერკავკასიის ჩრდილოეთიდან მოქმედი ცივი ჰაერის მასებისა და შავი ზღვის სამხრეთ დასავლეთიდან, უმეტესად აღმოსავლეთისკენ გავცრელებული თბილის და ნოტიო ჰაერის მასები.
სვეტა ნიორაძე აღნიშნავს, რომ ასეივე ვითარება იყო 2008 წელს, თუმცა მაშინ ნალექი 185 მმ იყო.
"2008 წლის 20 სექტემბერს სამსაათნახევარში თბილისის აეროპორტის მეტეოსადგურის მონაცემებით, მოვიდა 185 მმ ნალექი. მაშინ სართიჭალაში მოხდა დატბორვები, წყლის შევარდნა სახლებში და გაჩიანში 5 ადამიანი დაიღუპა", _ განაცხადა ,,ჯი-ეიჩ-ენთან" სვეტა ნიორაძემ.
შეგახსენებთ, რომ 12 მაისს, თბილისში, კოკისპირული წვის გამო მოვარდნილმა ღვარცოფმა ორთაჭალაში, მთაზე მიწის ნაწილი მოწყვიტა, რამაც კოლექტორი ჩახერგა და წყლის კალაპოტის შეცვალა გამოიწვია. სტიქიამ მტკვრის მარჯვენა სანაპიროზე ავტომანქანები ამოაბრუნა და საცხოვრებელი სახლები დატბორა. შემთხვევას ხუთი ადამიანის სიცოცხლე ემსხვერპლა - სამი ქალი და ორი მცირეწლოვანი ბავშვი.
