საქართველოს პარლამენტის თავმჯდომარე დავით ბაქრაძე თბილისში, წყალდიდობის შედეგად დაღუპულთა ოჯახებს უსამძიმრებს.
"ღრმა მწუხარებას გამოვთქვამ თბილისში სტიქიის შედეგად დატრიალებული ტრაგედიის გამო. სამძიმარს ვუცხადებ და ვუთანაგრძნობ გარდაცვლილთა ოჯახებს, მათ ახლობლებს. სტიქიის დროს მობილიზებული იყო შესაბამისი სამსახურები, რათა აგვეცილებინა სავალალო შედეგები, მაგრამ უხვმა ნალექმა ჩვენი თანამოქალაქეების სიცოცხლე იმსხვერპლა. გისამძიმრებთ ყველას", - ნათქვამია "ფეისბუქზე", პარლამენტის თავმჯდომარის ოფიციალურ გვერდზე გამოქვეყნებულ განცხადებაში.
თბილისში წუხელ მომხდარ წყალდიდობას ხუთი ადამიანი ემსხვერპლა - 3 ქალი და ორი მცირეწლოვცანი, რომელთა შორის ერთი 6 თვისაა.
