წუხანდელმა წვიმამ მცხეთა-მთიანეთის რაიონში ძირითადად ნათესები და ხეხილი დააზარალა აღნიშნულის შესახებ, ,,ჯი-ეიჩ-ენს"" მცხეთა-მთიანეთის გუბერნატორის მოადგილემ გივი ამირხანაშვილმა განუცხადა და აღნიშნა, რომ სტიქიას რაიონში მსხვერპლი არ მოჰყოლია.
,,სტიქიას რაიონში მსხვერპლი არ მოჰყოლია.დაზიანდა ქუჩები, საგაზაფხულო ნათესები და ხეხილის ბაღები. ყველა ქუჩზე, რომელიც ემსახურება შიდა გადაადგილებას მოძრაობა აღდგენილია. ამ ეტაპზე მიმდინარეობს მუშაობა სოფლებს შორის დამაკავშირებელ გზეზე, _ განაცხადა გივი ამირხანაშვილმა.
მისივე თქმით, რაიონში წუხანდელი წვიმის შედეგად მიყენებული ზარალის ოდენობა უკვე დგინდება.
,,რაც შეხება ზარალს ითვლება და ცოტა ხანში იქნება დადგენილი ზარალის ოდენობა", _ განუცხადა ,,ჯი-ეიჩ-ენს" მცხეთა-მთიანეთის გუბერნატორის მოადგილემ. მისივე თქმით რაიონში ელექტროენერგიის მიწოდება სრულად აღდგენილია.
,,წუხელ ღამის საათებში მციერო დროით ელექტროენერგია არ მიეწოდებოდა დუშეთს, თუმცა პრობლემა მალევე აღმოიფხვრა და დღეს აბსოლუტურად ყველა სოფელი და რაიონი ელექტროენერგიით უზრუნველყოფილია", _ განაცხადა გივი ამირხანაშვილმა.
სტიქიის შედეგად მცხეთა-მთიანეთის რაიონში ყველაზე მეტად დუშეთის რაიონი დაზარალდა.
