წუხანდელი წყალდიდობის შემდეგ დედაქალაქის სხვადასხვა უბნებში სამაშველო სამუშაოები გრძელდება. დატბორილი სახლების სარდაფებიდან მიმდინარეობს წყლის ამოტუბვა. ადგილებზე მუშაობენ სახანძრო სამსახურები და მაშველები.
როგორც "ჯი-ეიჩ-ენს" საგანგებო სიტუაციატა სამსახურის უფროსმა თემურ გიორგაძემ განუცხადა, შესაბამისი სამსახურები იმყოფებიან დედაქალაქის ყველა მისამართზე სადაც დახმარების აღმოჩენაა საჭირო.
"შესაბამისი სამსახურები იმყოფებიან ყველა მისამართზე სადაც მოსახლეობა დახმარებას საჭიროებს. დატბორილი სახლებიდან მიმდინარეობს წყლის ამოტუმბვა", - განუცხადა "ჯი-ეიჩენს" გიორგაძემ.
მისვე თქმით, დედაქალაქის იმ უბნებში სადაც წყალდიდობამ საქალაქო ინფრასტრუქტურას მიაყენა ზიანი მიმდინარეობს გაწმენდითი სამუშაოები.
შეგახსენებთ, რომ 12 მაისს თბილისში, კოკისპირული წვიმის გამო მოვარდნილმა ღვარცოფმა ორთაჭალაში მთაზე მიწის ნაწილი მოწყვიტა, რამაც კოლექტორი ჩახერგა და წყლის კალაპოტი შეცვალა. ადიდებული მტკვარი კალაპოტიდან სავალ გზაზე გადავიდა.
ღვარცოფმა მტკვრის მარჯვენა სანაპიროზე ავტომანქანები ამოაბრუნა.
წყალდიდობა და მისგან გამოწვეული პრობლემები დედაქალაქის სხვადასხვა უბნებში დაფიქსირდა.
დაიტბორა ათეულობით საცხოვრებელი სახლები.
დედაქალაქის რამდენიმე უბანს ელეტროენერგიის მიწოდება შეწყვეტილი აქვს. გარდა რამდენიმე ქუჩისა, მოძრაობა დედაქალაქში ყველა მიმართულებით თავისუფალია.
დაღუპულია 4 ადამიანი - ორი ქალი და ორი მცირეწლოვანი.
