თბილისის მერი გიგი უგულავა მთელი ღამის განმავლობაში იმ უბნებში იმყოფებოდა, სადაც წყალდიდობამ და სტიქიამ დედაქალაქს ყველაზე მეტი ზიანი მიაყენა. გიგი უგულავას პირადად უწევდა კოორდინაციას მოსახლეობის ევაკუაციას და წყალდიდობის შედეგად პირველად სალიკვიდაციო სამუშაოებს.
როგორც დედაქალაქის მერმა აღნიშნა, გულუას მოედანზე შექმნილი უმძიმესი მდგომარეობა, სავარაუდოდ, მიწისქვეშა კომუნიკაციის, კერძოდ კოლექტორის დაზიანებამ გამოიწვია, რომელმაც წყლის გამტარიანობა შეაფერხა და მდინარე მტკვარს ფაქტობრივად კალაპოტი შეუცვალა.
გიგი უგულავამ დავალებები მისცა, როგორც საგანგებო სიტიაციათა სამსახურის ასევე თბილისის მერიის, რაიონების გამგეობები, მუნიციპალიტეტების ხელმძღვანელებს, რათა არც ერთი დაზარალებული ოჯახი ყურადღების გარეშე არ დარჩეს და მათ სათანადო დახმარება გაეწიოთ.
ქალაქის მერმა მწუხარება გამოთქვა დაღუპულების გამო და მათ ოჯახებსა და ახლობლებს სამძიმარს უცხადებს.
ამჟამად გიგი უგულავა დედაქალაქის სხვადასხვა რაიონებში არსებულ ვითარებას ეცნობა.
მოგვიანებით გაიმართება საგანგებო თათბირი სადაც გაიცემა უფრო კონკრეტული დავალებები სტიქიის შედეგად მიყენებული ზარალის აღმოსაფხვრელად.
