დილიდან დედაქალაქში და საქართველოს სხვა რაიონებში გამოიდარებს, - ამის შესახებ "ჯი-ეიჩ-ენს" გარემოს დაცვის ეროვნული სააგენტოს მონიტორინგისა და პროგნოზირების ცენტრში განუცხადეს.
დედაქალაქში წვიმამ უკვე გადაიღო. მტკვრის კალაპოტში წყლის დონემ იკლო.
სინპტიკოსების განმარტებით, დილიდან ქვეყნის უმეტეს ტერიტორიაზე გამოიდარებს, რიგ რაიონებში შენარჩუნდება მცირედი ღრუბლიანობა უმნიშვნელო ნალექით.
"მოიმატებს ტემპერატურა. რიგ რაიონებში შენარჩუნდება ღრუბლიანობა. წვიამიანი ამინდები, შესაძლოა, კიდევ ორი დღე შენარჩუნდეს, მაგრამ ნაკლები ნალექით. მდინარეებში წყლის დონის რადიკალურად მომატების საფრთხე არ არსებობს", - განუცხადეს "ჯი-ეიჩ-ენს" ეროვნული სააგენტოს მონიტორინგისა და პროგნოზირების ცენტრში.
