მოძრაობა "სამართლიანი საქართველოსთვის" გორის რაიონული ორგანიზაციის ხელმძღვანელის მამუკა კობერიძის განცხადებით, მიმდინარეობს "გორწყალკანალის" ხელოვნური გაკოტრება.
მამუკა კობერიძის განცხადებით, ხელისუფლებასთან დაახლოებულ პირებს სურთ, "გორწყალკანალი" იაფად ჩაიგდონ ხელში.
გორში გამართულ პრესკონფერენციაზე მამუკა კობერიძემ ადგილობრივ ხელისუფლებას მოუწოდა, შეაჩეროს ეს პროცესი. წინააღმდეგ შემთხვევაში, ვითარების გართულება გარდაუვალი გახდება.
"გორწყალკანალის" ახალი მფლობელი აუცილებლად გაზრდის წყლის გადასახადს, რასაც მოსახლეობის უკმაყოფილება მოჰყვება", _ აცხადებს მოძრაობის გორის რაიონული ორგანიზაციის ხელმძღვანელი.
