ამერიკულმა ბიზნეს-არხმა CNBС-მა იმ ქვეყნების რეიტინგი შეადგინა, სადაც უძრავი ქონების ფასები მსწრაფლ იზრდება. ამ რეიტინგს სათავეში ჩინეთი უდგას, სადაც ბოლო პერიოდში უძრავი ქონების ფასი კატასტროფულად გაიზარდა. სტატისტიკის მიხედვით ბოლო 5 წლის განმავლობაში ჩინეთში უძრავი ქონების ფასი თითქმის 110,9%-ით გაძვირდა. Knight Frank-ის ინფორმაციით, პეკინში 1 კვ/მ ფართის ღირებულება 17400 დოლარია.
უძრავი ქონების სწრაფი გაძვირების რეიტინგში მეორე ადგილზე ჰონკონგია, სადაც ბოლო ხუთ წელიწადში უძრავი ქონების ფასი 93,7%-ით გაიზარდა და 1კვ/მ-ზე 47500 დოლარი შეადგინა. რეიტინგის მესამე ადგილზე ისრაელია, სადაც ბოლო პერიოდში უძრავი ქონების ფასმა 54,5-ით მოიმატა.
ტოპ-10-ში, სადაც ბოლო პერიოდში უძრავი ქონების ფასმა კატასტროფულად მოიმატა მოხვდნენ ასევე სინგაპური (+50,5%), კოლუმბია (+39,4%), ტაივანი (+30,1%), კანადა (+28,7%), ნორვეგია (+28,7%), მალაიზია (+28,5%) და შვეიცარია(+27,5%).
