იაპონური Toyota ახალ საფინანსო წელს რომელიც მარტში დაიწყო, მოგების ზრდას გეგმავს. კომპანიის გათვლებით, ახალ საფინანსო წელს კომპანიის მოგება 3-ჯერ, 9,6 მლრდ დოლარამდე გაიზრდება, რაც ბოლო ხუთი წლის განმავლობაში ყველაზე მაღალი მაჩვენებელი იქნება.
2011 წლის მიწისძვრისა და ცუნამის შემდეგ, კომპანიის მოგება 30 %-ით შემცირდა. მნიშვნელოვანია ისიც, რომ წელს Toyota-ს გაყიდვები იაპონიაში 1/5-ჯერ, ხოლო აშშ-ში 12 %-ით გაიზარდა, რაც ამერიკული General Motors-ის მოგებასთან შედარებით საკმაოდ კარგი მაჩვენებელია.
იმავდროულად, ანალიტიკოსები ნეგატიურ ფაქტორებზე, უფრო კონკრეტულად კი იენისა და დოლარის გაცვლით კურსზე ალაპარაკდნენ. მიუხედავად იაპონიის მთავრობის მიერ გატარებული მონეტარული პოლიტიკისა, იაპონური იენი აშშ დოლართან მიმართებაში 10 %-ით გაძვირდა. რაც, თავის მხრივ, გაყიდვების მაჩვენებელს ამცირებს, რადგანაც პროდუქცია ამერიკულ დოლარში უფრო იაფი გამოდის.
