სამოქალაქო მოძრაობა "ქართულ-აფხაზური და ქართლ-ოსური სახლი" ნაციზმზე და ფაშისმზე გამარჯვების დღეს ულოცავს ვეტერანებს და ყველა თაობის ადამიანს.
"ჩვენი გულწრფელი მილოცვა ეგზავნება აფხაზ და ოს ვეტერანებს, რომლებმაც ქართველებთან და ყველა სხვა ეროვნების ადამიანებთან ერთად დიდი მსხვერპლის, მაგრამ დიდი სიმამაცისა და თავდადების ფასად მოიპოვეს ეს დიდი გამარჯვება.
ისტორიის ამ პერიოდის ცალკეული გაყალბებული ეპიზოდების გარდა, დრო რევიზიის თვალით ვერ გადახედავს იმ დიდ გამრჯვებას, რასაც ნაციზმზე და ფაშიზმზე ძლევა ჰქვია.
ეს ჩვენმა დიდებულმა წინა თაობებმა გამოჭედეს თავიანთი სიცოცხლის ფასად და უდიდესი თავდადებით", - ნათქვამია "ქართულ-აფხაზური და ოსური სახლის" თავმჯდომარის ნესტან კირთაძის მილოცვაში.
განცხადებაში აღნიშნულია, რომ დღეს, 9 მაისს ქერჩში ბორჯომისა და ბაკურიანის მიტროპოლიტი, მეუფე სერაფიმე ქართული დელეგაციის წევრებთან და ვეტერანებთან ერთად საგანგებო პანაშვიდს გადაიხდის ქერჩში დაღუპული ქართველი, აფხაზი, ოსი და ყველა სხვა ეროვნების გმირთა სულის მოსახსენიებლად.
"დიდება თქვენს ლეგენდარულ ახალგაზრდობას და სიმამაცეს! დიდება თქვენს სახელებს !" სპეციალურ მილოცვაში.
