საქართველოს რეგიონული განვითარებისა და ინფრასტრუქტურის სამინისტროს და საქართველოს სტატისტიკის ეროვნულ სამსახურს შორის გაფორმებული მემორანდუმის საფუძველზე სამუშაო ჯგუფი შეიქმნა, რომელიც შეიმუშავებს რეკომენდაციებს რეგიონული განვითარების სტატისტიკური მეთოდოლოგიისათვის.
შეგახსენებთ, რომ 11 აპრილს საქართველოს რეგიონული განვითარებისა და ინფრასტრუქტურის სამინისტროში ხელი მოეწერა თანამშრომლობის მემორანდუმს საქართველოს რეგიონული განვითარებისა და ინფრასტრუქტურის სამინისტროსა და საქართველოს სტატისტიკის ეროვნულ სამსახურს შორის. მემორანდუმს ხელი მინისტრმა რამაზ ნიკოლაიშვილმა და "საქსტატის" აღმასრულებელმა დირექტორმა ზაზა ჭელიძემ მოაწერეს.
მემორანდუმი ითვალისწინებს საქართველოს რეგიონული განვითარების სახელმწიფო სტრატეგიისა (2010-2017წწ. ) და მისი სამოქმედო გეგმის (2011-2014წწ) განხორციელების, შეფასებისა და მონიტორინგისათვის საჭირო სტატისტიკური მონაცემების შემუშავებას რეგიონულ განვითარებასთან დაკავშირებულ ძირითად სექტორებში.
