"ავთერ შოკები", ანუ განმეორებითი მიწისქვეშა ბიძგები კიდევ რამდენიმე დღე გაგრძელდება. თუმცა სესისმოლოგები ვარაუდობენ, რომ მათი სიმძლავრე გაცილებით ნაკლებ იქნება და მოსახლეობას შეშფოთების მიზეზი არ აქვს.
მთელი ღამის განმავლობაში საქართველოში 15-მდე ეგრეთ წოდებული "ავთერ შოკი" დაფიქსირდა. საქართველოს სეისმოლოგიური ცენტრის ინფორმაციით, ბოლო "ავთერ შოკი" დილის 8 საათსა და ხუთ წუთზე დაფიქსირდა, მისი სიმძლავრე 3 მთელი ერთი მეათედი მაგნიტუდა იყო.
"ავთერ შოკების სერია განმეორდება აუცილებლად. განმეორდება დღეების განმავლობაში ან შეიძლება ერთი კვირის, ან ორი კვირის განმავლობაში. ეპიცენტრი 30 კილომენტრით არის დაშორებული, ამიტომ საქართველოს მოსახლეობას არანაირი საფრთხე არ ემუქრება. ეს არის ეფექტი, რომელსაც მოსახლეობა გრძნობს ამ დიდი მიწისძვრისაგან და ეს ეფექტი იმდენად მცირეა, რომ მას არანაირი ზარალი მოტანა არ შეუძლია", - აცხადებს სეისმოლოგი თეა გოდელაძე.
