ბანკ "რესპუბლიკას" სარემონტო სესხებზე საინტერესო შეთავაზება აქვს. როგორც ბანკიში განმარტავენ, წლის ამ პერიოდში ბევრი ოჯახი ცვლის ინტერიერს, საცხოვრებელ გარემოს ნათელი და ხალისიანი ფერებით ავსებს.
"კომპანიებიც თავიანთი ოფისების რემონტს იწყებენ, რათა კლიენტებსა და საკუთარ თანამშრომლებს სასიამოვნო და კომფორტული გარემო შეუქმნან. ბანკ "რესპუბლიკის" სარემონტო სესხი საცხოვრებელი და სამუშაო ფართობის რემონტს სწრაფ, მარტივ და სასიამოვნო პროცესად აქცევს", - აცხადებენ ბანკში.
ბანკ "რესპუბლიკის" კონსულტანტების დახმარებით დაინტერესებული კლიენტები სესხის სასურველი ტიპს აირჩევენ, თანხას კი სარემონტო სამუშაოსთვის გამოიყენებენ. ამასთან, კლიენტები ბანკ "რესპუბლიკის" პარტნიორ მაღაზიებში სარემონტო მასალების, განათების სისტემების, ავეჯისა და აქსესუარების შესაძენად ფასდაკლებებს მიიღებენ. ბანკი ითვალისწინებს ისეთ სიტუაციებს, როცა რემონტისთვის მხოლოდ 5 000 ლარამდე თანხაა საჭირო. ასეთ დროს, სულ რაღაც 1 საათში, უზრუნველყოფის გარეშე გაიცემა მომენტალური სესხი.
რემონტისათვის დამატებითი თანხების საჭიროების შემთხვევაში, დაინტერესებული კლიენტები საჩუქრად მიიღებენ "Dream ბარათს". ახალი ტექნიკის, ავეჯის ან სარემონტო მასალის განვადებით შეძენის მსურველებს კი შეეძლებათ ბანკ "რესპუბლიკის" მომენტალური განვადებით ისარგებლონ.
"სახლსა და ოფისში სარემონტო სამუშაოს დაწყება ბევრ დაბრკოლებასთანაა დაკავშირებული. ამის გამო ჩვენი კლიენტები ზოგჯერ კომპრომისებზე მიდიან. მოხარული ვართ, რომ ოჯახებსა და ბიზნესებს რემონტის შეუფერხებლად წარმართვასა და მათთვის საოცნებო გარემოს შექმნაში ვუწყობთ ხელს. ასეთ გარემოში ცხოვრება და მუშაობა ადამიანებს არა მხოლოდ პოზიტიურ განწყობას უქმნის, არამედ ეფექტურად მუშაობის სტიმულსაც აძლევს. ბანკ "რესპუბლიკის" მიზანიც სწორედ მათ წარმატებაში მონაწილეობაა", - აცხადებს ბანკ "რეპუბლიკის" კომერციული დირექტორი რამაზ კუკულაძე.