სახელმწიფო ბიუჯეტი 200 600 ათასი ლარით იზრდება. ამის შესახებ მთავრობის საპარლამენტო მდივანმა გია ხუროშვილმა ჟურნალისტებთან განაცხადა.
მისი განმარტებით, ბიუჯეტის ზრდა ბუნებრივი რესურსებით სარგებლობისთვის ლიცენზიის საფასურიდან მისაღებმა სახსრებმა და ევროკავშირიდან დამატებით გამოყოფილმა გრანტებმა გამოიწვია.
გაზრდილი ბიუჯეტის განაწილებასტან დაკავშირებით კი ხუროშვილი აცხადებს, რომ ის კახეთსა და იმერეთში დაგეგმილ ტურისტულ და მუნიციპალურ პროექტებს, ნაპირსამაგრი სამუშაობის დაფინანსებას, ბაგრატის ტაძრის, ასევე, საჯარო სკოლების რეაბილიტაციას, რთველის ხელშეწყობას და ამომრჩეველთა სიების დაზუსტების კომისიის დაფინანსებას მოხმარდება.
მისი თქმით, მიმდინარე წლის სახელმწიფო ბიუჯეტი მთლიანობაში 8 მილიარდ 216 მილიონი ლარი იქნება.
ბიუჯეტში ცვლილებებზე მსჯელობას, საპარლამენტო კომიტეტები მიმდინარე კვირაში დაიწყებენ.