მიწისძვრის შედეგად კახის რაიონში სოფელ ალათემურის ქართული სკოლის შენობაც დაზიანდა. სკოლის დარბაზის კედლები დაიბზარა, სახურავიდან კი წყალი ჩავიდა. სოფელში პანიკის გამო სკოლაში სასწავლო პროცესი შეწყვეტილია.
როგორც კახეთის საინფორმაციო ცენტრს სოფელ ალათემურის საბჭოს თავმჯდომარემ თენგიზ ოთარაშვილმა განუცხადა, რაიონის გამგებლის დავალებით სკოლის შენობა უკვე დაათვალიერა. „დარბაზის ერთი მხარეა დაზიანებული, მაგრამ ხალხში პანიკა შეიმჩნევა და სწავლა შეწყვეტილია. სკოლის დირექტორმა მითხრა, რომ სასწავლო პროცესი ხვალიდან განახლდება", - განაცხადა თენგიზ ოთარაშვილმა.
სოფელ ალათემურში ჰერების 200-მდე ოჯახი ცხოვრობს. სკოლაში 100-ზე მეტი ბავშვი სწავლობს.
