დედოფლისწყაროს რაიონში მიწისძვრას ნგრევა არ გამოუწვევია. ამის შესახებ კახეთის საინფორმაციო ცენტრს დედოფლისწყაროს საკრებულოს თავმჯდომარემ ლევან ბაღაშვილმა განუცხადა.
მისი თქმით, ტერიტორიული ორგანოების რწმუნებულებს ნგრევის შესახებ მისთვის ინფორმაცია არ მიუწოდებიათ. „რამე რომ ყოფილიყო, აუცილებლად გავიგებდით, შეგვატყობინებდნენ", - აღნიშნა ლევან ბაღაშვილმა.
შეგახსენებთ, რომ გამთენიისას მიწისძვრა მოხდა. სეისმური მონიტორინგის ცენტრი იტყობინებოდა, რომ მიწისძვრის ეპიცენტრი სოფელ ზემო ქედში დაფიქსირდა. მიწისქვეშა ბიძგების სიმძლავრე 5,8 მაგნიტუდას შეადგენდა.
