სარაევოს მე-18 კინოფესტივალის ფარგლებში, ინდუსტრიულ სექციაში
Cinelink ქართველი პროდიუსერი მონაწილეობს. თინათინ ყაჯრიშვილის მხატვრული ფილმის პროექტი "პატარძლები" 8 პროექტს შორის მოხვდა.
ინდუსტრიულ პროგრამაში გამარჯვებულებისთვის სოლიდურ პრიზებს ფესტივალის გარდა აწესებენ ტელეკომპანია არტე და ევროპული კინოს განვითარების ფონდი ევრიმაჟი. Cinelink- ში პირველ ადგილზე გასული პროექტის ავტორი 50000 ევროს ოდენობით დაჯილდოვდება.
აღსანიშნავია, რომ ეროვნული კინოცენტრისა და სარაევოს კინოფესტივალს შორის 2011 წელს მიღწეული შეთანხმების შედეგად, 2012 წლიდან ფესტივალის ყველა ინდუსტრიული პროგრამა გაიხსნა პოტენციური ქართველი მონაწილეებისთვის.
სარაევოს კინოფესტივალი ერთ-ერთი ყველაზე პრესტიჟული პლატფორმაა, რომელიც რეგიონის კინოპრომოუშენით არის დაკავებული და ასევე გამოირჩევა უცხოური ფილმების და საერთაშორისო სტუმრების სიმრავლით.