ავსტრალიელი მაგნატი კლაივ პალმერი პირობას დებს, რომ 2016 წლისათვის ააგებს და ზღვაში ჩაუშვებს საკრუიზო ლაინერ "ტიტანიკის" ზუსტ ანალოგს. ინფორმაციას ამის შესახებ "ბი-ბი-სი" ავრცელებს.
"იგი იქნება ისეთივე დიდებული, როგორიც "ტიტანიკი" იყო, მხოლოდ იგი იქნება აღჭურვილი ულტრათანამედროვე ტექნოლოგიებითა და სანავიგაციო სისტემებით", _ განუცხადა პალმერმა ჟურნალისტებს, თუმცა არ დააკონკრეტა ის თანხა, რომელიც მას "ტიტანიკის" ზუსტი ანალოგის აგებისათვის დასჭირდება.
მისივე ინფორმაციით, სამუშაოები 2013 წლის ბოლო კვარტალში უნდა დაიწყოს.
შეგახსენებთ, რომ ლეგენდად ქცეული საკრუიზო ლაინერი ტიტანიკი 1912 წლის 15 აპრილს აისბერგთან შეჯახების შემდეგ ჩაიძირა.
მასალის გამოყენების პირობები
