"ალდაგი ბისიაის" საპენსიო ფონდის აქტივების ღირებულება თითოეულ მონაწილეზე გაორმაგდა. კომპანიის ინფორმაციით, სს „ალდაგი ბისიაის" საპენსიო ფონდი, რომელიც იმართება ერთობლივად შპს „აბბი ასეტ მენეჯმენტისა" და სს „ალდაგი ბისიაის" მიერ, აცხადებს, რომ აქტივების ღირებულება თითოეულ მონაწილეზე გაორმაგდა, რაც ნიშნავს 100.0%-იან სარგებელს საპენსიო სქემის მონაწილეზე დაფუძნების დღიდან (2005 წლის ივნისი). საპენსიო ფონდის საინვესტიციო მოგების კუმულატიური მაჩვენებელი საგრძნობლად აჭარბებს ანალოგიურ პერიოდში ქვეყანაში დაფიქსირებული ინფლაციის მაჩვენებელს (იხილეთ ქვემოთ მოცემული გრაფიკი).
„მოხარულნი ვართ, რომ "ალდაგი ბისიაის" საპენსიო ფონდის აქტივების ღირებულება გაორმაგდა მიუხედავად საერთაშორისო ბაზრებზე ბოლო დროს არსებული არამდგრადი ვითარებისა", აღნიშნა „ალდაგი ბისიაის" გენერალურმა დირექტორმა ნიკოლოზ გამყრელიძემ.
„ჩვენ შევიმუშავეთ საინვესტიციო მოგების წინდახედული სტრატეგია, რის საფუძველზეც "ალდაგი ბისიაის" საპენსიო ფონდი განაგრძობს შთამბეჭდავი შედეგების ჩვენებას. ჩვენ ვუზრუნველყოფთ სტაბილურ საინვესტიციო მოგებას და წამყვანი პოზიციის შენარჩუნებას საპენსიო ფონდის ბაზარზე", აღნიშნა „აბბი ასეტ მენეჯმენტის" გენერალურმა დირექტორმა ბიძინა ბეჟუაშვილმა.
შეგახსენებთ, რომ „ალდაგი ბისიაის" საპენსიო ფონდი დაფუძნდა საქართველოს მოწინავე სადაზღვეო კომპანია „ალდაგი ბისიაის" მიერ 2005 წლის ივნისში. 2012 წლის აპრილის მდგომარეობით, საპენსიო ფონდის აქტივების ღირებულება შეადგენს 7.0 მილიონ ლარს და კლიენტთა საერთო რაოდენობა 8,600 ადამიანით განისაზღვრება. „ალდაგი ბისიაის" საპენსიო ფონდი არის საქართველოს უმსხვილესი საპენსიო ფონდი. საპენსიო პორტფელში შედის ადგილობრივი და საერთაშორისო კომპანიების ფასიანი ქაღალდები და ფულის ბაზრის ინსტრუმენტები, გრძელვადიანი დეპოზიტების ჩათვლით.
