იაპონელი მეცნიერების ახალმა გამოგონებამ შეიძლება დიეტის რევოლუცია გამოიწვიოს. მათ შეიმუშავეს განსაკუთრებული სათვალე, რომელიც აიძულებს ადამიანებს, ნაკლები ჭამონ და, შესაბამისად, გახდნენ.
ერთი ასეთი მოწყობილობა ვიზუალურად ზრდის პროდუქტების მოცულობას 50%-ით, ისე, რომ არ იცვლება ხელისა და თეფშის ზომა. ადამიანს ეჩვენება, რომ მან მეტი შეჭამა, ვიდრე რეალურად. ექსპერიმენტმა აჩვენა, რომ ადამიანები, რომლებიც ამ სათვალეებს ატარებდნენ, საშუალოდ 9,3%-ით ნაკლებს მიირთმევდნენ.
მეორე ვარიანტი - მოწყობილობა, რომელიც ატყუებს არა მარტო მხედველობას, არამედ ყნოსვას. მას შეუძლია გადასცეს სხვადასხვა პროდუქტების სუნი, მაშინ როცა მათი გამოსახულება დამონტაჟებულია სათვალის ეკრანზე. ამ შემთხვევაში ადამიანს შეუძლია მიიღოს დიეტური პროდუქტი, მაგრამ ამავე დროს შექმნილი ილუზიური მრავალფეროვნებისგან მეტ სიამოვნებას განიცდის.
სათვალე ლურჯი ლინზებით ნებისმიერ საკვებს ერთფერად აჩვენებს. ლურჯი ფერი შემთხვევით როდი შეარჩიეს. მიიჩნევა, რომ ეს ის მადას თრგუნავს, საკვები მიმზიდველად არ გამოიყურება.
