მესამე დღეა დედამიწაზე მაგნიტური ქარიშხალი მძვინვარებს. ქარიშხალი, კიდევ ერთი დღე გაგრძელდება და 26 აპრილს ჩადგება. აშშ-ის კოსმოსური ამინდის პროგნოზის ცენტრის მონაცემებით, 23 აპრილს 21 საათისთვის გეომაგნიტურმა ინდექსმა "წითელ" ნიშნულს - 5 მინიმალურ დონეს მიაღწია. სამშაბათს დილის 6 საათისთვის კი ინდექსი 6 დონემდე გაიზარდა და ახლა ის კვლავ 5 დონეზე ფიქსირდება.
ამჟამად მაგნიტური ქარიშხალი გამოიწვია რამდენიმე დღის მანძილზე მზეზე მომხდარმა აფეთქებებმა. პლაზმური ამონაფრქვევის სიჩქარემ წამში 380-400 კილომეტრი შეადგინა. სპეციალისტები აცხადებენ, რომ იმ შემთხვევაში თუ სიჩქარე 500-600 კმ/წმ იქნება ეს მნიშვნელოვან უარყოფით გავლენას იქონიებს, როგორც ადამიანების ჯანმრთელობაზე, ასევე სხვადასხვა ტექნიკური მოწყობილობების მუშაობაზე.
