საქართველოს პარლამენტის თავმჯდომარის მოადგილე გიგი წერეთელი სამუშაო ვიზიტით იმყოფება კოპენჰაგენში, სადაც მონაწილეობს ეუთოს საპარლამენტო ასამბლეის ბიუროს მუშაობაში.
განსახილველ საკითხებს შორის არის ეუთოს რეგიონში პოლიტიკურ, ადამიანის უფლებათა და ეკონომიკურ მიმართულებებზე სპეციალური მომხსენებლების მიერ წარმოდგენილი ანგარიშების განხილვა, ასევე ეუთოს საარჩევნო სადამკვირვებლო მისიების ანგარიშების მოსმენა.
დაგეგმილია გიგი წერეთლის შეხვედრები ეუთოს საპარლამენტო ასამბლეის პრეზიდენტთან, გენერალურ მდივანთან და ორმხრივი შეხვედრები ევროპელ კოლეგებთან. ბიუროს სხდომაზე საბოლოდ დაზუსტდება მაისში ბათუმში დაგეგმილი ეუთოს ეკონომიკური ფორუმის პროგრამა.
