ახსნა-განმარტების მისაცემად დაბარებული თეა წულუკიანი ზუგდიდის პოლიციის შენობაში არ შეუშვეს. მისი თქმით, მას დაუკავშირდა ზუგდიდის პოლიციის თანამშრომელი გოგიტა ქობალია, რომელმაც პოლიციაში მისვლა სთხოვა.
"მე დამიკავშირდა თბილისში ზუგდიდის პოლიციის თანამშრომელი გოგიტა ქობალია და მთხოვა ახსნა-განმარტება მიმეცა პოლიციისთვის. მე ჩამოვედი როგორც კანონმორჩილი მოქალაქე, რათა მიმეცა ლევან ქირიასთვის იმის საშუალება, რომ არ აბატანოს სამეგრელოში შერჩევითი სამართალი. თუ უკანონდ შეუძლია მას დააკავოს კახა მიქაია და სხვა სიმართლისთვის მებრძოლი ადამიანები, მაშინ უნდა მომისმინოს მეც. ლევან ქირია, რომელიც არის პოლიციის მაღალჩინოსანი იმალება, ხოლო გოგიტა ქობალია, რომელმაც მისვლა მთხოვა, ტელეფონის ზარს არ პასუხობს",- განაცხადა წულუკიანმა.
