მორიგი ეთნიკური დაპირისპირება რუსეთში - ერთმანეთს ადგილობრივები და კავკასიელი ემიგრანტები დაუპირისპირდნენ.
მოსკოვის ერთ-ერთ გარეუბანში ახალგაზრდებს შორის მომხდარი ჩხუბის შედეგად, ოთხი ადამიანი დაიჭრა. ისინი ახლოს მდებარე საავადმყოფოებში გადაიყვანეს და შესაბამისი მკურნალობა უტარდებათ.
თვითმხილველების თქმით, ჩხუბი არაფხიზელ მდგომარეობაში მყოფმა ახალგაზრდებმა დაიწყეს. დაჭრილებს სხეულის დაზიანებები დანით აქვთ მიყენებული.
დამნაშავეები შემთხვევის ადგილიდან მიიმალნენ. დაჭრილთა ვინაობა კი ამ დრომდე არ ხმაურდება.
