სრულიად საქართველოს კათოლიკოს-პატრიარქმა ილია მეორემ 2012 წლის სააღდგომო ეპისტოლეში ხელისუფლებას მოუწოდა ჯანდაცვის სფეროზე განსაკუთრებით იზრუნოს და დაიცვას ექიმის პრესტიჟი.
"ექიმობა ღვთივკურთხეული და კაცობრიობის ისტორიის მანძილზე ერთ-ერთი ყველაზე კეთილშობილური საქმიანობაა. დღესაც მსოფლიოში იგი ყველაზე საპატიო და მაღალანაზღაურებადი პროფესიაა. ხოლო იქ, სადაც ექიმს არ უჭირავს სათანადო ადგილი და არა აქვს დაფასება, პაციენტს ეკარგება მისდამი ნდობა, რის შედეგადაც პირველ რიგში ზარალდება არა ექიმი, არამედ ავადმყოფი და საბოლოოდ მთელი საზოგადოება; ამიტომ, ვფიქრობთ, ჯანდაცვის პრიორიტეტად უნდა დარჩეს ექიმის კვალიფიკაციის ამაღლება, მათი პრესტიჟის დაცვა და ახალგაზრდა მაღალპროფესიული კადრის აღზრდა",- ბრძანებს პატრიარქი სააღდგომო ეპისტოლეში.
