პროგრამის "კულტურული მემკვიდრეობა ბავშვებს" პრეზენტაცია აპრილის ბოლოს გაიმართება.
პროგრამა საქართველოს კულტურული მემკვიდრეობის დაცვის ეროვნული სააგენტოს საგანმანათლებლო და საინფორმაციო უზრუნველყოფის სამსახურმა მოამზადა. პროექტი განსაზღვრულია IV-X კლასის მოსწავლეთათვის და მოიცავს შემეცნებითი გაკვეთილების კურსს საქართველოს არქიტექტურის, ფერწერისა და გამოყენებითი ხელოვნების შესახებ.
პროგრამის თემატიკაა: ქართული მონუმენტური მხატვრობა; როგორ ცხოვრობდნენ ჩვენი წინაპრები, მოხატული კერამიკა; ქართული ხალხური საცხოვრებელი; რა არის მოზაიკა; ქართული ციხე-კოშკები; ფიროსმანი და მისი სამყარო; თბილისი - ისტორია და მემკვიდრეობა; ეთნოგრაფია - საახალწლო სამზადისი და ნახატი ფიგურების გარეშე.
გაკვეთილების ფორმატი თხრობისა და კითხვა-პასუხის გარდა, გულისხმობს თავად მოზარდის შემოქმედებით აქტივობას - ხატვას, ძრწვას, ნივთების რესტავრირებას, ინტელექტუალურ-შემეცნებითი თამაშებისა და სახალისო ამოცანების შესრულებას.
გაკვეთილები ჩატარდება შაბათ-კვირას კულტურული მემკვიდრეობის დაცვის ეროვნული სააგენტოს სათავო ოფისის საგანმანათლებლო სივრცეში.
