პარლამენტის დღევანდელ პლენარულ სხდომაზე, დეპუტატებმა პოლონეთის ყოფილი პრეზიდენტის ლეხ კაჩინსკისა და სმოლენსკის ტრაგედიის დროს დაღუპულებს, წუთიერი დუმილით პატივი მიაგეს.
როგორც პარლამენტის თავმჯდომარე დავით ბაქრაძემ განაცხადა, ორი წლის წინ ტრაგიკულად დაიღუპა საქართველოს ყველაზე დიდი მეგობარი ლეხ კაჩინსკი, მისი მეუღლე და პოლომეთის პოლიტიკური ელიტის წარმოადგენლები.
ბაქრაძის განცხადებით, ეს იყო ტრაგედია არა მხოლოდ პოლონეთისთვის, არამედ ყველა მეგობარი ქვეყნისთვის, მათ შორის საქართველოსთვის.
"ლეხ კაჩინსკი იყო ადამიანი, რომელიც ყველაზე მძიმე წუთებში დაუდგა საქართველოს და მის ხსოვნას პატივს მივაგენთ", - აღნიშნა ბაქრაძემ.
