თბილისელი სომხების კავშირის პრეზიდენტმა მიხაილ ტატევოსოვმა, თბილისის საკრებულოს თავმჯდომარეს ზაალ სამადაშვილს მიმართა თხოვნით, საკრებულოს უახლოეს სხდომაზე განსახილველად შეიტანონ საკითხი ქალაქის ისტორიულ უბანში მდებარე შენობებზე თბილისში დაბადებული, გამოჩენილი სომხების, მემორიალური დაფების გახსნასთან დაკავშირებით. ინფორმაციას ამის შესახებ სააგენტო "რეგნუმი" ავრცელებს.
მიხაილ ტატევოსოვის მიმართვას თან ახლავს სია "თბილისში დაბადებული სომხებისა, რომლებმაც ქალაქის ისტორიაში მნიშვნელოვანი კვალი დატოვეს და ფართოდ არიან ცნობილი საქართველოს ფარგლებს გარეთ".
კერძოდ, მიმართვაში საუბარია "ასტროფიზიკოს აკადემიკოსზე ვიქტორ ამბარცუმიანზე, მეცნიერ-ფიზიკოს ძმებზე არტიომ და აბრამ ალიხანიანებზე, სომხური ლიტერატურის კლასიკოსზე რაფზე (აკოფ მელიკ-აკოფიანზე) ასევე სხვა გამოჩენილ მოღვაწებზე, რომელთა წყალობითაც "XIX-XX საუკუნეებში თბილისში მრავალი შენობა აშენდა", _ წერს "რეგნუმი" და იქვე აღნიშნავს, რომ გაზეთ "ერკამასის" ინფორმაციით, მემორიალური დაფების დამზადება -დამონტაჟებთან დაკავშირებულ ხარჯებზე პასუხისმგებლობას თბილისის სომხების კავშირი იღებს.
