საქართველოს პრეზიდენტმა დღეს ბათუმის რესპუბლიკურ საავადმყოფოში, მომხდარი აფეთქების შედეგად დაშავებულები მოინახულა. პრეზიდენტი მათი ჯანმრთელობის მდგომარეობით დაინტერესდა და საჭიროების შემთხვევაში მათ დამატებითი დახმარებაც აღუთქვა.
ბათუმში, ლერმონტოვის ქუჩაზე მდებარე 4-სართულიანი სახლის მე-3 სართულზე აფეთქება ბუნებრივი გაზის გაჟონვის გამო მოხდა. მიხეილ სააკაშვილის განცხადებით, თბილისის მსგავსად, ბათუმშიც უნდა შეიქმნას სპეციალური სამსახური, რომელიც გაზიფიკაციის პროცესს დააკვირდება და მის უსაფრთხო ექსპლუატაციას უზრუნველყოფს. როგორც ლევან ვარშალომიძემ პრეზიდენტს განუცხადა, ამ საკითხზე მუშაობას ბათუმის მერია უკვე იწყებს და ეს პრობლემა მალე მოგვარდება.
