ებრაული მედიით გავრცელდა ინფორმაცია ისრაელისა და აზერბაიჯანის კავშირების შესახებ და ასევე მათ საქმიანობაზე სამხრეთ კავკასიაში. გამოცემა "Gunxeber.com"-ი ინტერნეტ გვერდ "Y-net"-ზე გამოქვეყნებულ სტატიას - "ისრაელის ახალი მეგობრები" -ს ეყრდნობა და წერს, რომ ქვეყანა რეგიონის ფარგლებს გარეთ ახალ მოკავშირეებს ეძებს.
ამას გარდა, გავრცელებული ინფორმაციით, ისრაელმა მჭიდრო თანამშრომლობა დაიწყო საქართველოსა და აზერბაიჯანთან. მათივე ინფორმაციით, ამ ორ სახელმწიფოში მოქმედებს ბაზები, რომლებიც დაზვერვით ინფორმაციას აგროვებენ ისრაელის სამხედრო სტრუქტურებისათვის.
"ანუ ისრაელი ირანს აზერბაიჯანის ტერიტორიიდან ადევნებს თვალყურს. ეს ბაზები შესაძლოა ისრაელს დაეხმარონ ირანის ტერიტორიაზე საიდუმლო ოპერაციების განხორციელებაში, რომლებიც ირანის ბირთვული პროგრამის რეალიზაციისათვის ხელის შეშლასთანაა დაკავშირებული", _ ნათქვამია გავრცელებულ ინფორმაციაში.
