საგარეო ურთიერთობათა კომიტეტის თავმჯდომარე აკაკი მინაშვილმა სამხრეთ კავკასიის ახალგაზრდული პარლამენტის წევრები მიიღო.
სტუმრების მიერ დასმული კითხვები ძირითადად, საქართველოში დემოკრატიული ინსტიტუტების განვითარებას, ქვეყნის პოლიტიკურ კურსსა და ეკონომიკას ეხებოდა.
როგორც შეხვედრაზე მინაშვილმა აღნიშნა, საქართველოს ძირითად პოლიტიკურ პრიორიტეტებს წარმოადგენს ჩრდილოეთ-ატლანტიკური ხელშეკრულების ორგანიზაციასა და ევროპის კავშირში ინტეგრაცია, დემოკრატიულ ფასეულობებზე, თავისუფლების, თანასწორობის და მშვიდობიანი თანაცხოვრების პრინციპებზე დამყარებული რეგიონული თანამშრომლობის ხელშეწყობა, დემოკრატიული პროცესების შეუქცევადობის უზრუნველყოფა და მხარდაჭერა.
"დარწმუნებული ვართ, რომ საქართველოს საგარეო პოლიტიკური წარმატების გასაღები სწორედ საქართველოს მიერ განხორციელებულ ლიბერალურ პოლიტიკურ-ეკონომიკურ რეფორმებში და ქვეყნის შემდგომ მოდერნიზაციაშია",- განაცხადა მინაშვილმა.
როგორც შეხვედრაზე აღინიშნა, საგარეო ურთიერთობათა კომიტეტი ინტენსიურად მუშაობს, სამართლებრივ და დემოკრატიულ სახელმწიფოთა რიგებში საქართველოს კუთვნილი ადგილის განსამტკიცებლად.
