სახალხო დამცველის, გიორგი ტუღუშის მიერ მომზადებული 2011 წლის 650-გვერდიანი ანგარიში, პარლამენტში უკვე შევიდა. არსებული ინფორმაციით, ომბუდსმენის ანგარიში ეხება უფლებათა და თავისუფლებათა ფართო სპექტრს და მიმოიხილავს სამოქალაქო-პოლიტიკურ, ეკონომიკურ, სოციალურ და კულტურულ უფლებათა დაცვის მდგომარეობას.
ამას გარდა, ანგარიში ადამიანის უფლებათა დაცვის კუთხით, სახელმწიფოში არსებულ ზოგად ტენდენციებს და მოქალაქეთა უფლებებისა და თავისუფლების დარღვევის კონკრეტულ ფაქტებს ასახავს.
საკანონმდებლო ორგანოს საორგანოზაციო დეპარტამენტში, ომბუდსმენის დასკვნა ტუღუშის აპარატის წარმომადგენელმა წარადგინა.
კანონმდებლობით, ომბუდსმენის დასკვნას, პირველ ეტაპზე, პარლამენტის ადამიანის უფლებათა დაცვის კომიტეტი განიხილავს, შემდეგ კი, ანგარიში განსახილველად, პლენარულ სხდომაზე გავა.