თბილისში ელიავას ბაზრობასთან ხოშარაულის ქუჩაზე, შოკოლადის ყოფილი ქარხანა დაიწვა. შემთხვევის ადგილზე მობილიზებული იყო 6 სახანძრო ბრიგადა.
სავარაუდოდ როგორც ირკვევა, ცეცხლი შოკოლადის ყოფილ ქარხანაში გაჩნდა, მეორადი საბურავებისა და ტანსაცმლის საწყობში.
სავარაუდოდ, ცეცხლის გაჩენის მიზეზი გაუმართავი ელექტროგაყვანილობა გახდა.
"ცეცხლი ეკიდა მეორად ტანსაცმელს. ამ დროისთვის ცეცხლი ლოკალიზებულია და საბურავების და ტანსაცმლის უმეტესი ნაწილი გადარჩენილია. რაც მთავარია არავინ არ დაზიანებულა. ხანძრის გაჩენის მიზეზს სპეციალური სამსახურები დაადგენენ", _ განაცხადა თბილისის საგანგებო სიტუაციების მართვის სააგენტოს უფროსმა თემურ გიორგაძემ.
მომხდართან დაკავშირებით მიმდინარეობს ძიება. სამართალდამცავები ხანძრის გამომწვევ ზუსტ მიზეზებს მალე დაადგენენ.
