"ქართული დასის" ლიდერი ჯონდი ბაღათურია პრეზიდენტისა და მთავრობის ფონდებიდან სტატუს შეჩერებული სტუდენტების დაფინასებას მოითხოვს.
როგორც მან პარლამენტის დღევანდელ პლენარულ სხდომაზე განაცხადა, 10 000 სტუდენტს სტატუსი მხოლოდ იმის გამო შეუჩერდა, რომ მათ სპეკულაციურად გაზრდილი სწავლის თანხა ვერ გადაიხადეს. ეს კი უპასუხისმგებლო გადაწყვეტილება იყო.
"როცა 10 000 სტუდენტი სწავლის ქირას ვერ იხდის, იმას ნიშნავს, რომ სისტემაში კრახი გვაქვს და მდგომარეობა გამოსასწორებელია. მოვითხოვ, ამ სტუდენტებისათვის სწავლის გადასახადი პრეზიდენტისა და მთავრობის სარეზერვო ფონდებიდან დაიფაროს. ეს სულ 2-3 კონცერტის საფასურია ", - აღნიშნა ბაღათურიამ.