გურჯაანის 1-ელ საჯარო სკოლაში ჩხუბის შედეგად მე-7 კლასის მოსწავლე დაშავდა. ის სასწრაფო სამედიცინო დახმარების ბრიგადამ რაიონულ საავადმყოფოში გადაიყვანა. ექიმებმა მოზარდს თავის ტვინის შერყევის დიაგნოზი დაუსვეს.
კახეთის საინფორმაციო ცენტრის ინფორმაციით, მე-7 კლასს რუსული ენის გაკვეთილი უცდებოდა, ჩხუბი ამ დროს მოხდა. „სკოლის სასწავლო ნაწილს შემცვლელი მასწავლებლის გაფრთხილება დაავიწყდა", - აღნიშნა სკოლის დირექტორმა დარეჯან ბურდიაშვილმა.
დაპირისპირებული ბავშვების გაშველებას თავდაპირველად თანაკლასელები ცდილობდნენ, მაგრამ ვერ მოახერხეს, რის შემდეგაც პოლიცია გამოიძახეს.
სკოლის დირექტორმა ბავშვს, რომელმაც თანაკლასელი ცემა, საყვედური მისცა.
