საპარლამენტო უმრავლესობა ეროვნული ბანკის საბჭოს წევრებისთვის პროფესიული ცენზის შესუსტებას ითხოვს.
ამის შესახებ ინიციატივა, საფინანსო-საბიუჯეტო კომიტეტის დღევანდელ სხდომაზე, ეროვნული ბანკის შესახებ,, კანონში ცვლილებების განხილვისას, უმრავლესობის წევრმა ზვიად კუკავამ წარადგინა.
მისი თქმით, ეროვნული ბანკი საბჭოში, ორი წევრი მაინც უნდა იყოს ისეთი, რომელსაც ეკონომიკისა ან/და ფინანსების დარგში პროფესიონალიზმი არ მოეთხოვება.
აღნიშნული ინიციატივა საფინანსო-საბიუჯეტო კომიტეტმა გაიზიარა.
შეგახსენებთ, რომ ეროვნული ბანკის შესახებ კანონის მოქმედი რედაქციით, ეროვნული ბანკის საბჭოს წევრები არიან საქართველოს ან უცხო ქვეყნის მოქალაქეები, რომლებიც გამორჩეულნი უნდა იყვნენ პატიოსნებით და პროფესიონალები უნდა იყვნენ კონკეტულად ეკონომიკის ან/და ფინანსების დარგში. საბჭო ეროვნული ბანკის უმაღლესი ორგანოა და ის 7 წევრისაგან შედგება.