"თავისუფალი დემოკრატების" ერთ-ერთმა ლიდერმა ვიქტორ დოლიძემ კონტროლის პალატის თავმჯდომარისგან ვერც ერთი მყარი არგუმენტი ვერ მოისმინა, თუ რას ემყარება კონტროლის პალატის ქმედებები. ამის შესახებ " ჯი-ეიჩ-ენს" ვიქტორ დოლიძემ განუცხადა.
"ლევან ბეჟაშვილს გუშინაც ყურადღებით ვუსმენდი. მანამდეც მას ჰქონდა სატელევიზიო დებატები ქალბატონ თამარ ჩუგოშვილთან და მართალი გითხრათ ვერც ერთი არგუმენტი მისგან ვერ მოვისმინე, თუ რომელ სამართლებრივ ჩარჩოში ზის კონტროლის პალატის დღევანდელი მოქმედებები. ამიტომ კარგის არაფრის თქმას ბეჟაშვილისგან არ მოველოდი. სამწუხაროდ, ჩემი მოლოდინი გამართლდა", - განაცხადა დოლიძემ.