საპარლამენტო უმრავლესობის ერთ-ერთი ლიდერი პავლე კუბლაშვილი კოლეგებს მოუწოდებს, ოპოზიციონერ დეპუტატ ჯონდი ბაღათურიას ყურადღება არ მიაქციონ.
პარლამენტის დღევანდელ რიგგარეშე სხდომაზე მიმდინარე დებატებისას, მან ბაღათურიას "უბედური მასხარა" უწოდა.
"ეს მასხარა უბედურია იმიტომ, რომ ვერა და ვერ მიიღო მოსაწვევი შუშის შენობიდან, სადაც ფულებს არიგებენ და ფიქრობს, რომ ყურადღების მიღმა დარჩა. ჩვენ მასზე ყურადღება არ უნდა გავამახვილოთ, შეიძლება უბრალოდ მივუსამძიმროთ მას ასეთი მდგომარეობა", - განაცხადა კუბლაშვილმა.
ჯონდი ბაღათურიამ დღეს შინაგან საქმეთა და იუსტიციის მინისტრს, პრეზიდენტის კორიფციული საქმიანობის და რამდენიმე გახმაურებული საქმის გამოძიება მოსთხოვა. მან მთავრობა სამოქალაქო ომის მზადებაშიც დაადანაშაულა.
