პრემიერ-მინისტრი ნიკოლოზ გილაური ამ ეტაპზე ვერ აკონკრეტებს, გაიაფდება თუ არა ელექტროენერგიის ტარიფი ახალი ჰესების ექსპლუატაციაში შესვლის შემდეგ.
აღნიშნულის შესახებ კითხვა პრემიერს, საპარლამენტო უმცირესობის ლიდერმა გიორგი თარგამაძემ პარლამენტის დღევანდელ რიგგარეშე სხდომაზე დაუსვა.
გილაურის განცხადებით, ახალი ჰესების მიერ გამომუშავებული ელექტროენერგია პირველ ეტაპზე იაფი არ იქნება, რადგან მშენებლობა ძალიან ძვირი ჯდება. თუმცა, მისი თქმით, ახალი ჰესები ქვეყანას დამატებით ენერგოუსაფრთხოებას აძლევს.
"კერძოდ, ხელშეკრულებების პირობების მიხედვით, ახალმა ჰესებმა ზამთარში გამომუშავებული ელექტროენერგია საქართველოში უნდა დატოვონ. ეს ლიბერალზიაცია, რაც ელექტროსექტროში გვაქვს, თავის შედეგს მოიტანს რამდენიმე წლის შემდეგ. ზამთრის თვეებში საქართველოში დარჩენილი ელექტროენერგია კონკურენციას გაუწევს თბოსადგურებზე გამომუშავებულ ფასს. ეს კი საბაზრო პრინციპიდან გამომდინარე, ახალ რეალობას შექმნის ბაზარზე. ეს რეალობა ციფრებში გაწერილი, 2015-2016 წლებში გვექნება", - აღნიშნა გილაურმა.
მისი თქმით, ელექტროენერგიაზე გადასახადი საქართველოში რეგიონში ყველაზე დაბალია.