ვაზიანის სამხედრო პოლიგონზე ქართულ-ამერიკული სამხედრო სწავლება დასრულებულია. დღეს ჯარისკაცებმა საჩვენებელი წვრთნები დიპლომატებისა და ჟურნალისტებისათვის გამართეს.
სამხედრო სწავლება ვაზიანში 10 დღის განმავლობაში მიმდინარეობდა. წვრთნებში მონაწილეობის მისაღებად თბილისში ამერიკელი ინსტრუქტორები ჩამოვიდნენ.
სწავლებებში ამერიკის საზღვაო ქვეითი ბრიგადის ჯარისკაცებიც მონაწილეობდნენ. საჩვენებელს წვრთნებს საქართველოში ამერიკის შეერთებული შტატების ელჩიც დაესწრო. ჯონ ბასი იქ რუსეთის საგარეო საქმეთა მინისტროს განცხადებას გამოეხმაურა, რომელშიც ლავროვმა პროვოკაციად შეაფასა ქართულ -ამერიკული სამხედრო სწავლებები.
ამერიკელი დიპლომატის თქმით, სწავლება მშვიდობიან ხასიათს ატარებს და მისი მიზანი სამშვიდობო ოპერაციებისათვის ჯარისკაცების მომზადებაა.
