,,მართლაც შემაშფოთებელია, რომ სააკაშვილის უშუალო მითითებით დასავლეთ საქართველოში რამდენიმე თვის განმავლობაში ყალიბდებოდა შეიარაღებული ფორმირებები", _ ამის შესახებ ,,თავისუფალი დემოკრატების ლიდერმა დღეს გამართულ ბრიფინგზე განაცხადა.
მისივე თქმით, არსებობს საფუძვლიანი ეჭვი, რომ სამხედრო ფორმირებები განსხვავებული პოლიტიკური შეხედულებების მქონე ადამიანების დაშინებითვის იქმნება.
,,არსებობს საფუძვლიანი ეჭვი, რომ ეს ფორმირებები იმიტომ იქმნება, რომ განსხვავებულად მოაზროვნე პოლიტიკოსების, მათი მხარდაჭერებისა და მომხრეების დევნა და დაშინება დაიწყოს და საჭიროების შემთხვევაში მათი ფიზიკური განადგურებაც მოხდეს", _ აღნიშნა ირაკლი ალასანიამ.
მისივე განცხადებით, ხელისუფლების შეცვლის ერთადერთი მეთოდი არჩევნების გზაა.
,,მინდა გითხრათ, მე ყოველთვის ჩემს თანაგუნდელებთან ერთად ვიყავი იქ სადაც ხალხს ვჭირდებოდი და ვცდილობდით შეგვექმნა ცივილური პოლიტიკური კულტურა, რომელიც მხოლოდ ერთადერთი გზით სამართლიანი არჩევნების გზთ შეცვლიდა ხელისუფლებას. სამწუხაროდ, დღევანდელი ხელისუფლება და მიხეილ სააკაშვილი არ იზირებს ამ ფუნდამეტურ პრინციპებს",_ განაცხადა ირაკლი ალასანიამ.